aQuilo

COVID-19 бойынша тұрғындар үшін ЖАДЫНАМА

COVID-19 - бұл коронавирус тұқымдасының соңғы табылған вирусынан туындаған жұқпалы ауру.

COVID-19 көп таралған белгілеріне дене температурасының көтерілуі, құрғақ жөтел және әлсіздік жатады.

Сирек кездесетін белгілеріне тамақтың ауруы, буын және бұлшықеттің ауыруы, мұрынның бітелуі, бас ауруы, диарея, дәм мен иіс сезудің жоғалуы, аяқ және қол саусақтары терісінің бөртуі немесе түсінің өзгеруі, конъюнктивит жатады. Әдетте, бұл белгілер біртіндеп дамып, әлсіз қалыпта өтеді. Кейбір жұқтырған адамдарда ауру өте жеңіл немесе симптомсыз түрде өтеді.

Сырқаттанғандарың көпшілігі (шамамен 80%) өздігінен қалпына келеді және ауруханаға жатуға мұқтаж болмайды. Шамамен бес жағдайдың біреуінде COVID-19 ауыр түрде, тыныс алу жеткіліксіздігі және басқа да асқынулармен өтіп жатады.

Егде жастағы (қарт) адамдарда, сондай-ақ ілеспелі аурулары бар адамдарда (анамнезінде жүрек және өкпе аурулары, қант диабеті, терең тамыр тромбозы, тромбоэмболия және т.б. бар) аурудың ауыр ағымы жиі кездеседі. Алайда, әрқайсысы COVID-19 жұқтырып, оны ауыр түрде өткеруі әбден мүмкін.

Егер сізде COVID-19 күрделі ағымының пайда болу қаупі бар болса, сіз бекітілген жердегі емхананың учакелік дәрігеріне хабарласуыңыз керек, ол қажет болған жағдайда Сізге тексеріліп, ілеспелі ауруларды емдеуді тағайындайды.

Құрметті Алматы тұрғындары!

Өздігінен ем қабылдамаңыз! Егер Сізде жоғарыда аталған COVID-19 ауруының белгілері пайда болса, онда үйде қалып, емханамен телефон арқылы байланысыңыз. Медициналық ұйымның мобильдік тобы Сізге үйде қызмет көрсетеді!

Құрметті пациент!

Егер Сізде немесе отбасыңыздың мүшелерінде келесі белгілер:

• жөтел;
• дене температурасының көтерілуі, қалтырап дірілдеу;
• бас ауруы;
• ентігу;
• құсу;
• диарея пайда болса

Өздігінен ем алмаңыз!

Бұл күрделі зардаптарға, тіпті өлімге дейін әкелуі мүмкін.

Қауіпсіздік шараларын сақтап, үйде болыңыз!